“100 mijë euroshi” i produksionit Big Brother është Iliri, videot që nuk u transmetuan për audiencën

Që nga 5 tetori figura të njohura të ekranit kanë nisur aventurën e tyre në Big Brother VIP Albania për të fituar çmimin prej 100 mijë eurove.

Balerinë, aktorë, këngëtarë janë personazhet që po tregojnë karakteret e tyre brenda shtëpisë më të famashme në Shqipëri.

Edhe pse është publiku ai që vendos për fatin e tyre, produksioni duket se po luan rolin kryesor, duke favorizuar lojtarët, saktësisht balerinin shqiptar, Ilir Shaqiri.

Në asnjë spektakël, qoftë të marteve apo të premteve, produksioni gjithmonë është siguruar që të mos nxjerri asnjëherë anën negative të Ilirit, debatet e ofendimet e tepërta që ai ka bërë.

Një nga rastet e tilla ka qenë debati për Kosovën e Shqipërinë, ku Ilir Shqiri i drejtohet Dj Dagz-it duke i thënë se nuk është shqiptar, por kosovar, derisa Dagz insiston duke thënë se është shqiptar.

Pavarësisht se kjo video ekziston dhe tanimë është bërë virale në rrjete sociale, produksioni ka zgjedhur që këtë debat të mos e japë asnjëherë në spektakël. Por, nuk mbaron me kaq.

Javën e kaluar gjithashtu pati një debat mes Ilirit dhe Monikës, ku balerini e ofendon rëndë aktoren. Ndërsa po flisnin në dhomën e gjumit, Iliri i thotë Monikës të bëjnë treshe së bashku me lopën që ndodhej në oborrin e shtëpisë ( prova javore me fermën), por kjo gjë nuk i pëlqeu aspak Monikës e cila u shpreh se një gjë të tillë mund ta bëjë ai me gruan e tij. Edhe ky moment nuk u dha asnjëherë në spektakël.

Duke mos mjaftuar këto, një moment tjetër aspak i këndshëm e që është bërë viral në rrjete sociale ka qenë kur Iliri dy javë më parë, pikërisht në natën e spektaklit, prek Arjola Demirajn në të pasme. Iliri po e komplimentonte për pamjen e saj dhe në një moment ai e prek nga mbrapa. Reagimi i Arjolës në këtë rast është zero, duke e kaluar kështu me “shaka” edhe këtë moment.

Derisa për pjesën tjetër të banorëve, diçka e vogël e gabueshme bëhet temë diskutimi në spektakël, një gjë e tillë nuk po ndodh asnjëherë me l Einxhel e cila në një bisedë me disa nga banorët, kishte cituar fjalët e Ilirit, kur ai pati treguar për tradhtinë që i kishte bërë bashkëshortes së tij.

Në spektakël ai shpërtheu në ofendime ndaj Einxhel Shkirës, duke e quajtur ordinere dhe e ulët, duke e kryqëzuar kështu moderatoren dhe jo atë për veprimin që kishte bërë.

Be the first to comment

Leave a Reply

Your email address will not be published.


*